Últimas novedades

Primer Concursu de Microrrellatos

carteluconcursudefinitivu2L´IES Víctor García de la Concha convoca´l Primer Concursu de Microrrellatos n´Asturianu col oxetivu de fomentar, esparder y sobre too, NORMALIZAR, l´usu de la Llingua asturiana na comunidá educativa de Villaviciosa, de tal manera qu´estos esfuercios nun tean llindaos esclusivamente dientro de la clas de Llingua Asturiana.

Pa ello, ábrese´l concursu a los centros educativos de La Villa: Colexu Públicu Maliayo, Colexu San Rafael, y IES Víctor García de la Concha. A tol alumnáu, non solo al que cursa l´asignatura de Llingua Asturiana. Tamién a padres y madres y al profesoráu de los tres centros.

Delles instituciones y organizaciones acoyeron candialmente la nuestra iniciativa: L´Ayuntamientu de Villaviciosa, L´Academia de la Llingua Asturiana, el Serviciu de Normalización Llingüística de la Comarca la Sidra, A.C.O.S.E.V.I (Asociación d´Atutónomos, Comerciantes y Servicios de Villaviciosa), Asociaciones culturales de Villaviciosa: Cubera y La Compaña del Ronchel.

Los participantes tienen hasta´l 30 d´abril pa presentar los trabayos, un rellatu curtiu n´asturianu, de temática llibre, d´una estensión ente 10 y 20 llinies, 100-200 pallabres.

Les categoríes son 3: alumnáu (primaria / secundaria / bachilleratu), padres / madres y profesoráu.

Dellos profesores asesorarán voluntariamente a los participantes que lo necesiten en cuestiones gramaticales.

Los trabayos podrán presentase nes conserxeríes de los tres centros, y tamién en dellos comercios pertenecientes a ACOSEVI.

El día 21 d´Abril fadráse una presentación formal a los medios y nos caberos díes de la Selmana les Lletres Asturianes (2-9 Mayu) fadráse un actu d´entrega de los premios, que consistirán en dellos llibros n´asturianu y diferentes aportaciones de les entidaes collaboradores.

Amás, durante la Selmana de les Lletres Asturianes diferentes departamentos del IES organizarán actividaes Interdepartamentales n´Asturianu. Por exemplu habrá llectures simultánees Inglés / Asturianu d´obres de lliteratura, trataráse´l tema de la evolución de los topónimos tradicionales de la zona, presentaráse vocabulariu d´animales de la zona n´asturianu…

semeyaconcursu

Deja un comentario

Tu dirección de correo electrónico no será publicada. Los campos obligatorios están marcados con *