Preestrenu del programa de la TPA “Fálame” nel Institutu
El pasáu martes 16 de mayu nes dos últimes hores de la mañana tuviemos a la TPA nel institutu. Organizada como una actividá más dientro de la Selmana les Lletres Asturianes, contactamos cola TPA y algamamos que vinieren preestrenar “Fálame”, un programa n´asturianu orientáu al públicu infantil.
Alumnos y alumnes de Primeru y Segundu la ESO, y alumnáu de Sestu de primaria del Colexu Públicu Maliayo asistieron al preestrenu del programa, presentáu pola presentadora oficial Anabel Santiago. Dempués de la proyección del primer capítulu del programa hubo un intercambiu d´impresiones cola presentadora y dempués varios estudiantes compartieron los sos comentarios coles cámares, saliendo nes noticies de la TPA.
Calca equí pa velu: https://www.facebook.com/RTPAOFICIAL/videos/1652016308160232/
